Meðan loysnir sum Lightning Network hava til endamáls at loysa avbjóðingina við kapasitets-trupulleikanum hjá Bitcoin við at flyta handlar útum blockchain, so royna aðrar verkætlanir at lousa trupulleikan beinleiðis á høvuðsnetverkinum. At fáa "skalerbarleika" "Scalability! á grundlagnum krevur vanliga at skapa eitt nýtt kryptovaluta ella grundleggjandi broyta sjálvt Bitcoin gjøgnum eitt "Hard Fork". Fleiri verkætlanir hava kannað hesa leiðina.

Eitt merkisvert dømi er Kaspa, sum er eitt relativt nýtt kryptovaluta, sum byrjaði í 2021. Kaspa loysir kapasitets-trupulleikan við blockchain, við at skifta siðbundna blockchain-bygnaðin út við ein BlockDAG (Directed Acyclic Graph). Hetta sniðið hevur til endamáls at viðgera sonevndu “blockchain trilemma” – at royna at fáa skalerbarleika, desentralisering og trygd samstundis. Orðið Kaspa merkir silvur á arameiskum máli, og orsøkin til at velja navnið Kaspa fyri hetta kryptogjaldoyraði, er tí tað skapar sama samband, sum silvur hevði við gull í fornari tíð.

Silvur varð søguliga brúkt til smærri viðurskifti og var meira skalerbart á henda hátt, tí tað hevði minnið virði per vekt. Hetta er tað sama konseptið ið Kaspa fylgir, og Bitcoin er samanborið við sum gull. Síðani Kaspa varð sett á stovn í november 2021, hevur tað víst lovandi avrik við at prógva at tað megnar at loysa seinleikstrupulleikan. Men eins og ein og hvør lutfalsliga nýggj tøkni, so er hon enn í menning og hevur enn ikki fingið langtíðarsøgu, sum er neyðug fyri at Kaspa kann prógva at tað megnar tað ið tað sigur seg megna. Áhaldandi menning kann vera eitt positivt tekin um nýhugsan, men tað merkir eisini, at skipanin framvegis mennist, sum kann ávirka álitið, til hon grundfestur seg meira. Um slíkar verkætlanir, har Kaspa mest sum er uttan kapping í løtuni, vísa seg at vera álítandi yvir tíð, so kunnu tær umboða eina leið til at uppfylla upprunaligu visjónina hjá Bitcoin, sum var at vera eitt brúkiligt elektroniskt pengqsystem uttan ein millummann. Kaspa hevur eisini fingið sterk aftursvar frá nógvum í Bitcoin felagsskapinum, mest tí at tað er ein beinleiðis kappingarneyti sum kryptopengar, av tí at pengar á fríða marknaðinum hava lyndi til at vera ein "vinnarin tekur alt" marknaður.

Hetta er eitt áhaldandi orðaskifti, sum tíðin fer at averða. Tá ið alt kemur til alt, so er tað eitt felagsmál ið øll hava, hetta er at fáa Sound Money aftur. Hetta er tað, sum hevur týdning í tí stóra bílætinum.

Fyri at kanna hetta evnið nærri, kanst tú hyggja at hugtakinum “blockchain trilemma” á netinum, sum greiðir frá kjarnuavmarkingunum í blockchain sniðgeving. Fyri at læra meira um Kaspa, Youtube'arin “Kaspa Silver” viðmæltur.

Viðmæld Kaspa wallet til gerandisbrúk:

Kaspium Pengapungur

Viðmælt til dagliga nýtslu

Einføld fartelefon wallet

Bygt til Kaspa netverkið

Lætt at brúka

⚠ Týdningarmikið
Kaspium Wallet er ein "Hot Wallet" og er best egnað til nýtslu, ikki uppsparing.
Til langtíðargoymslu, brúka Hardware Wallets.